### (a)
Verse 1
Umwungeri wacu ni we Yesu;
Ajy' arind' intama ze.
Aturagira mu bgatsi bgiza;
Ni W' utubumbatira.
*Yes' Umwami, Yes' Umwami
Ni We waducunguye:
Yes' Umwami, Yes' Umwami
Ni We waducunguye:*
Verse 2
Ni twe Ntama zawe, Mwami Yesu,
Utuyobor' inzira!
Uturind' ibyago n' amakuba,
Udukure mu byaha!
*Yes' Umwami, Yes' Umwami
Mutabazi, twumvire!
Yes' Umwami, Yes' Umwami
Mutabazi, twumvire!*
Verse 3
Yesu yemeye kutwakir' ubu,
Nubgo dukiranirwa.
Amaraso Y' aratwuhagira;
Ni We munyambabazi!
*Yes' Umwami, Yes' Umwami
Twihute, tumwitabe.
Yes' Umwami, Yes' Umwami
Twihute, tumwitabe.*
Verse 4
Yes' utwemere tw' abagusanze,
Twihannye, tubabaye.
Ur' Umwami kand' ur' Umukiza;
Tur' abawe kuv' ubu!
*Yes' Umwami, Yes' Umwami
Dor' abakwiragije!
Yes' Umwami, Yes' Umwami
Dor' abakwiragije!*
### (b)
Verse 1
Mukiza, Mwungeri mwiza,
Dushorez' urukundo
Ikiganza cyawe cyiza
kitugaburir' ubu
Uhimbazwe, Mucunguzi,
Mukiza tur' abaw' iteka
Kand' uhimbazwe, Yesu
Verse 2
No kubg' imbabazi zawe
Utwuhagir' ibyaha;
No kubg' imbaraga zawe
Wez' imitima yacu
Verse 3
Turashaka kukumvira
Mu mategeko yawe;
Nuko kubg' ibyo, dushaka
kubon' imyizerere
Verse 4
Mukiza, Mwungeri mwiza
Turagukurikira
Utugwiriz' imbaraga
Kand' ujy' uturamira